Bongva Magazine - Vol 6

  

Hai Vung Lian

K hawnden le zawt a si ` ung lomi, ngan- fah vialte lakah a fak bikmi cu “Nau ngeih lai nganfah” (Nau nganfah) a si. A fah tuk caah pipu hna nih nau ngeih cu, “Thlan kam dir” he an tahchunh. Jesuh zong nih caan dongh lai thil sining a harnak, fahnak le tuar- nak cu, “Nau nganfah he a tahchunh” (Matt. 24:8). Cu thil nih nau nganfah hi zeitluk in dah a fah timi hi a langhter. Zei ruangah dah nau nganfah hi a fah khun tiah ahcun, nau a chuah lai ahcun nu le taksa ah “thlennak fak tuk in a um” caah le nau nih nunnak aa dang taktakmi ah aa thlennak ding caah a cawlcangh caah a si. Zei thil paoh hi, “thlennak” um lio caan ah a har khun. “Dei lai khuamui” cu a fak khun an ti bang a si. Politics zong ah thlennak um lio caan hi a har bik i, cucu “dothlennak” (revolution) an ti phah. Dothlen- nak a dih cun a theipar cu a chia lei a si pek, a ` ha lei a si pek ah, dothlen lio caan nakcun nganfah a zor deuh tawn. Nihin ni Laimi ramdang kalmi kan sining hi khulrang tuk in aa thlen caah cu thlennak ruangah, “Nau nganfah bantuk in kan ngan a fahnak a tam ngai.” Atu lio ah, Laimi hi ram (11) ah kan i ` hek: USA, Canada, UK, Denmark, Norway, Sweden, Germany, Australia, New Zealand, Malaysia le India an si. India le Malaysia cu Asia a si caah, sining aa lo i, kan i harh tuk lo. A dang ram 9 hi cu sining aa dang ngaingaimi ram an si. Abikin Eu- rope le North America hi kan i dang khun caah, hi

ram ah nganfah tuar ning hi a phun aa dang khun. Lairam chung pehmanh ah caan zeimaw- zat chung cu harnak tuar a si. Zeicatiah thlen- nak a um tikah ram thar thil sining kha ziak lomi, tlak lomi le theihthiam lomi tampi a um caah a si. Laimi zong ramdang ah, upacia in a rak phanmi hna cu kan sining pi he ramdang ah kan pem. Kan i thleng kho zokzok ti lo i, harnak a phunphun kan tuar. Cucu nau ngan- fah bantuk a rak si. Laimi pakhat cu a tuar tuk i, “Ahodah US kal hi a rak thei hnga? Tanbo in tuk i thah ding a si,” ti tiang in a rak ti. Cucu USA a ` hat lo caah siloin nganfah a tuar tuk ca tu ah a rak si. Upa nih cun kan kokek nunphung he ram thumnak ah kan pem. Kan sining te kha kan i kalpi. Kan sining hlun te kha a ` ha bik in kan ruat i, kan sining te khan si peng kan duh. Thlen kan i harh ngai. Mirang nih “ad- aptation” timi “Umnak ram he aa tlakning in nuncawnnak” kha kan i tim ti lo. Thil sining (system) le nunphunng aa thleng nain “nun- cawnnak” kan tuah khawh lo tikah, kan i th- leng kho zokzok ti lo. Cucaah ramthar nun kan i ziak kho ti lo i, nganfahnak a phunphun tuar a si. Nuamh lonak tampi kan ngei. Mino deuh cu ram thumnak an luh tikah, “nuncawnnak” (adaptation) tuah ning a rang deuh. Nulepa kokek nunphung kha rang deuh in an kaltak. Ram thar nunphung kha fawi tein an i lak zau. Lungput, ziaza, holhrin,

Bongva Magazine

122

Chin Baptist Mission Church—DC

2017