Bongva Magazine - Vol 6

“Kan fale Laiholh an thiam lai lo; Lai nunp- hung an thei lai lo; hmailei ah kan biakinn ah Mirang holh hman a hau lai; Lai Bible le hla cauk an hmang kho lai lo i, kan miphun a tlau sual lai” timi thinphannak hi a si. Cu zong nih nganfah a kan pek ` han. Hi kong ah, Pastor Za Thawng Cin nih, “Kan fale nih Laiholh le nunphung an theih maw a biapi deuh? Pathi- an bia an theih i Khrihfa zumtu ` ha an simi dah?” timi a kan cawnpiak i khua tampi a ka ruahter. Rev. Chan Thawng Lian nih, “Sun- day school zong Laica/Laiholh an theih lo ahcun, Mirang in kan chimh hna awk a si ko. Thawng ` ha theihnak nawl an ngeih awk a si” tiah a ti ve. Laiholh le ca biapi chiah ruan- gah, fale Khrih dawtnak theih lo ding zong phan a um ngai. Rev. Dr. Steven Hre Kio nih, “USA ah miphun kip an ra i, chan (3) nak ahcun an nunphung (ca, holh, lamkui, biahla tbk) an thlau viar hna. Laimi zong kan tlau sual nakhnga lo ding caah, kan holh zahpi lo, hman le holh a hau ve. Kan miphun le holh/ ca kilven le him te um lawng ah kan miphun sau deuh kan hmun lai,” tiah a ti. Asiahcun Pathian theihter he, Laica le Laiholh thiamter he kan kemh kho lai maw? Chan zeizat tiang dah kan kemh khawh lai? Laica le holh an thiam lo ahcun Khrihfa ` ha ahcun kan ser kho taktak hna lai maw? Laimi zong hi chan 2,3 tiang lawng maw kan hmunh ve te hnga?” timi ruah ah, nau nganhfah ban- tuk in kan thinlung ah fahnak nganpi a um. USA ahhin, Korea, Japan, Philippines le a dang Asian tampi hi duhsah tein an tlau ziahmah ve hna. Cu hna pawl zong an rak i thlenka ahcun nau nganfah bantuk in fahnak an tuar ve hna. Chan 4/5 nak ahcun an tlau cang le fahnak zong an tuar ti lo. Laimi zong kan tlau cang hnu ahcun fahnak tuar lo khawh ngai a si. Ngawt ah tlak i neek khawh ngai zong a si te kho men ko. A fak ngaimi cu fale le nulepa karlak theihthiam lonak a si. Khua pakhat ah “Korea mino nih biakinn hmannak kong an Khrih- fabu upa pawl taza an cuai hna” ti a si. Laimi

zong hmailei ah cucu kan chuak sual lai maw timi phan a um ngai. Atu hmanh ah Khrih- fabu biakinn le thilri kong hmanh ah, Laimi Khrihfa nih tazacuai kan ngamh cang i, hi hnu kum 50 ahcun zeidah kan lawh te lai? Cu kong ruah hmanh ah, nau nganfah bantuk in fahnak kan tuar chung cang. Nulepa tampi cu, kan fanu le fapa hna nih miphun dang an ` hila sual hna lai maw? Hong Kong tarpa bantuk kan si ve sual lai maw timi phan a um tuk. Nau khat ngeih cu nganfah a zia. Faphir ngeih cu nganfah a zual deuh. Kan fanu le nih miphun dang pa vat; fapa le nih miphun dang nu ` hit. Cucu faphir ngeih nganfah bantuk a si ` han. Laimi cu, pamh le chiatserh a hrialmi kan si. Ramdang kan fale cheukhat cu, biaholh sum le thlachiat ruah an ngei ti lo. Khualtlung mileng biaruah an huam lo. Nulepa ` ihzah le upatnak an thei lo. Nulepa kha “stupid”(mihrut) a ti ngammi an tampi. Hi bia hna hi, Laimi upa caah cun a celh in celh an si lo. Laimi cu chungkhar le midang zawnruah- nakk a ngeimi kan si. USA cu “individual- ism” (mah zawnruahnak) a san tuknak ram a si. Mirang tampi cu “dangh” timi an thinlung ah a um lo. “Na ta, ka ta, mah tein” timi ruah- nak deuh hi biapi ah chiah ve. Kan fale zong, “mah zawnruannak” ruangah an i daw lo sual lai maw? Kan kaltakmi khuaram dawtnak thinlung hna an ngei kho te lai maw? Lairam caah an ngeihchiah hna an siang te lai maw?” timi ruah ah ngan a fak ko. Laimi cheukhat cu ram (3) nak sining celh lo ruangah, Kawlram ah a tlung ` han zong an um. Lai lei chungkhar sahlawh nih ram (3) nak ah an i nuam tuk rua tiah ruah sual zong a tam. Tangka kuat khawh lo tik ah, dawt lo, zawnruah lo, hruh le ngat kip phawt an si. Cu zong cu ram (3) nak ummi Laimi tampi caah nau nganfah bantuk in fahnak tuar a si. Lairam cu kan si a fak. Thilri a tlawm ko nain, thilri kong ah kan buai tuk lo. Ram thumnak ahcun, thilri a tam i duhmi a tam. Thilri duh tuknak (materialism) nih nu tampi

Bongva Magazine

124

Chin Baptist Mission Church—DC

2017