Bongva Magazine - Vol 6

ihkhun ai khaang mi cu ka zoh i ka ngang. Pahniang a bizu tu cu ai tung, mifel phun rengreng a si, a thilri irem tete in ai chia dih. Thilfa tete an si ko. Thilfa tete hi zeitik ah khin dah an hun ikhirh ` han tawn? Khua ah ka pi a thi cang an ti lioah banhla le changphek a ka phurh tawn mi hna kai thei. Laikuak khu hluaimai ai zuk i innleng in a kan dong tawntu ka pi. Ka pa nih kan ngakchiat lio lolam kan tlun pah a liang ah a ka khinh tawn, zanriah ei dih a ke ai ` awl pah in kan phun kong, rian a luhka zu le sa ah ai ciah mi ai chirnak kong a rak ka chimh mi hna, ka ngakchiat lioah cun ka rak ifiang hna lo. Atu tu ah cun, ka pa, na fa kei zong kai palh le kai chir mi an tampi cang tiah chimh ka duh. Mi pakhatkhat nih a kan thihtaak tikah thilfa tete an ikhirh tthan tawn tiin ka ruah ko. Mi pakhat a thih tikah siseh, thil pakhat a loh tikah siseh, thilfa tete an hun cuang ` han tawn. Kan khua hauka bung lei ah inn fate pakhat kan rak ngei bal. Kan coka hi a rak fate, chungtling rawl kan rak dum ` i tawn. A ing a chia ngai mi ka pa nih a kan dawtnak a kan siaherhnak cu rawl kan dum ` i ah cun a langhter tawn. A fale paruk tu nih sa ei hna seh law an pa a simi amah cu a ruh tu a teuh, anfe tu a hap. Ka pa nih a kan thihtaaknak a sau cang. Khua kan innte zong a um lonak a sau cang. Thilfa tete nih hin ngaihchiatnak zuun lawng an khirh cu a si lo. Nuamhnak le law- mhnak thlaam zong an lenter ` han tawn. Hniksak na duh ahcun innchung ah ichok law thilfa tete hawl hna hmanh. Nangmah lawng na um lio ti bantuk ah khin. Dai tein thilfa tete hawl hna. Kan innpi ah hmaanthlak pakhat kan taar mi a um. Kan nu he kan ithlakmi hmaanthlak, kan pahnih tein mirh thlaimai. Kan nuva kan inuamh lio kan ilawmh lio caan … Christ- mas lio cherry kung tangah kan dir ` i. Dawt- nak maimomh buang cu a eitu rungrul an um caah a awng le a kua an um tawn, ka ti kha.

Rungrul ti mi cu lungtlin lonak tehna, ai tong thiam lomi tehna, idaithlanhnak tehna, chim- sual le palhsual, sifah si ` hat ah kan idaw lai tiah biatiam hmanh usih zeirel loin ka rak um sual mi tehna. Hmaanthlak ka zoh pah cun, aw … hi bantuk caan zong pei a rak um ko hi tiah. Hmaanthlak pakhatte. Thilfa te ti ahcun thilfa te a si ko. Asinain cu bantuk thilfa tete cu an karh dingin tuah a hau. Tlaihchannak le dawtnak karhter bang karh an hau. Alaipa nih a rak kan kuat mi cakuat pak- hat, pahniang nih a rak kan kuat mi hmaan- thlak pakhat, upapa sianghleirun a kainak in a rak kan kuat mi ca, an pi le an pu arthin tuh lio hmaan kan rak ithlakmi hna. Inn kan i ` hialnak ah an lentecelhnak thil cu an lotlau dih ngawt cang, an sinin “philh khawh lo thilfa tete” an cuang ` han ti lai lo mu. Thing- kuang a tangcem tu ah cun kan rak ileh mi cakuat tete an um men rih lai. Bizu chung ah cun kan nu angki irem tliahmah tein an itlar. Ka cawkpiak mi angki sente cu a sircem ah. A tailei a kor mi angki ka cawkpiak mi zong, hihi tu hi cu ai hruk ka hmu bal lo. Cabuai cungah cun Baibal cauk le hla cauk, cun pangpar, le meilul phazawng- dan, a cheuchum a taang rih mi. Baibal cauk cungah cun Korin kuat khat a ngan 13 a hme 6 Baibal cacaang ai ttial mi cauk kartenhnak catlap te. Kan puai lio sawmnak ca zongah kan rak thim mi. Nan duh ahcun icawn ve ding tuah ding pakhat chim ka duh. Cucu kan chungkhar tling kan um tikah … an chim mi ka ngaih- piak hna lai, keimah lawng ka chim ti lai lo. Ka fale cu izohtla in ka bihzun hna lai. Thil ` ha thildik tiah ka ruah mi cu iralring tein ka ruah hna lai. An chim mi laak kai zuam lai. Thilfa tete an si ko hi mu. Asinain thil sining zeizong zeizongza ti mi cu cucu an rak si ko. Atu ka kum atu hnu lawngah hin cucu ka hun ifiang. Nannih tu cu cu nak tuan in rak ifiang sawh u.

Ch: Ko Tar, Thilfa Tete (Kawlca)

Bongva Magazine

132

Chin Baptist Mission Church—DC

2017