Bongva Magazine - Vol 6

 Laimi Kan Nunning Salai Lairamthang

Biahmai ` hi Kan phak ballomi ram kan phan. Kan- lamh ballomi ram kan lamh. Kan ei ballo- mi rawl kan ei. Kan din balomi ti kan ding. Kan ngeih ballomi kan ngei. Kan hmuhbal- loimi kan hmuh. Kan ton ballomi kan tong. Hmuh balmi ramthar ah a peemi kan si caah, cawn ding, theih ding, hngalh ding le tuah ding thilthar tamtuk a um. Kan ram in kan- rak i kenmi kan sining nunphung hna le kan pemnak ram nih an hmanmi nunphung aa ton tikah sukden a phan i harnak a phunphun kan tong. Mah harnak kan tonmi tete cu hmailei kar kan hlannak ca ah bawmchantu an rak si. Inn le Lo Laimi hi zeitluk kan si a fah zongah inn le lo cu biapi bik ah kan chiah zungzal. Ei

awk din awk ngeih lo hmanh ah umnak inn ngeih a duhmi miphun kan si. US kan phak le cangka in cozah bawmhnak a ngeimi hna cu cozah nih hlanpiakmi inn, apartment ah an chiah hna. Thla 6 a tlinhnu i, rian an ngeih ahcun anmah tein inn man i pek cio a si. Co- zah bawmhnak a ngei lomi, a la lomi hna cu chungkhat hawikom sin ah i benh a si. Rian ngeih hlan chung cu inn ngeitu hna dawtnak le zaangfahnak thawngin, inn man le eiman- pek a um lem lo. US ahcun rian a ` uanmipaoh nih inn man le ei man mah tein i pek cio a si. Unau chungkhat sahlawh rualchan si zongah inn man pek loin um phung a si lo. Inn man pek loin caan sau na um ahcun an in rem lai lo. Inn cu credit ` ha a ngeimi paoh nih a ba in cawk khawh cio a si. Bank ah phaisa na-

Bongva Magazine

138

Chin Baptist Mission Church—DC

2017