Bongva Magazine - Vol 6

meng 30 tbk. khin mawngh a si. Saram hna zong mah duh in thah le tlaih khawh a si lo. Sakhi ngan pipi an tampi i lam an tan lio ah maw ` awka nih a pah ` heo hna. Kanmah zong khuadei hlan ah kan kal i pakhat kan pah ve, a thih cu a thi rua lo. Lam- cung ah a ruak kan hmuhmi a tlawm lo. Voi khat Nigara falls i kan kal lio ah bia i ruah pah cun kan kal i meng 110 cun ka tupa nih a mawngh. Khua phanh lai ah, a thahrawl (tha-hrawl, a shieing) kha dorh i meng 30 mawngh ding a si nain bia kan i ruah lengmang caah kan hngal ti lo i lan lak, mah thahrawl ning cun kan kal. Khua lonh ah palek nih an kan tlaih. A hnupi ah bill cu a ra i $ 500 dantat cu a si ko. Pakhat nu kha ‘na maw ` awka ke nih lam thlektu rin (a rangmi) kha a tawngh, mei na hmuhsak hna lo, an ti ruang ah $ 300 liam ding ah bill nih a hnu in a dawi. Lai dawr a um len: Ka dang cu ka hngal tuk lem lo nain, Indiana ah hin Lai thilpuan, Kawl ram um eidin vialte tling khitkhette in a um. Anmah an chimnak ah cun dawr 50 hmanh a um men lai an ti. Dallas ah hin dawr ngaruk cu a um ` hiam ` hiam. Kan Lairam le Kawl ram ngai lo in hika a ummi cu a um dih. Cu dawr a ngeitu hna cu kanmah Laimi te an si dih. Super market i kan kal zong ah hi kan ram ummi vialte a um lo hi a um lo. tc. tlangkhangca tisa in thahcia, thingbawn- bok, nicia seh khehcia, faang in maphek bantiatia tiang, aalu naknak, sensen, kawpihlum dingkok- mu tiatia tiang a um dih. An sabuti a thawt ning hi a men lo. An fangvoi thaw kaw, saruh zong a tannak in an tan tik ah, kannih market fangvoisolh a hlun kan chuanmi nakin a thaw deuh suaumau. Hakha lakphak dawr i kan eimi puri, a ro nawn tete bantuk he khan aa khatmi zong a um len. Rathor tisop, bakheng, bate tiang zong in a um dih. Zing fatin hi kan Lai dawr ah cun Laimi kan i tonnak le biaphong kan dennak a si tawn. Report an ` hawn ning: An ka chimhmi pakhat ah ‘Mirang cu report, palek sin thanh an ` hawng tuk’ tiah an ka ti. Khuaza ah palek cu mithmuh he hmuh lo he ah an tam tuk. Zei thil hmanh hi an hngal lai lo ti khawh a si lo. Ngak- chia nih hin palek cu an ` ih ngai hna i mei rian ` uan (mi tat) ko khi an uar khun hna. An uarnak hna cu an maw ` awka pipi le an thuam, ceu liangluang i an kal kha an uar hna a si. Cu maw ` awka a rat ahcun

Tamadah hmanh nih lam a kianh hna an ti. Cu caah ngakchia hi ` hal caan sianginnkhar ah mei rian ` uan training cu an kai lengmang. Houghston an timi ah a ummi, NASA i kan kal lio lam thum tonnak ah, Mirang kumno tete, khatlei pathum, khatlei pakhat lawng an i velh kan hei hmuh hna. An kung kan phak ahcun palek maw ` awka pathum a ra i an tlaih colh ko hna. Cu lo ahcun pakhat pate lawng cu a hma fak tuk hnga, a ` ha ngai ka ti. US ram lawng an si lai lo, ram ` hangcho ah cun palek hi an tam cio ko lai, an khul zong a rang ko lai. Zeicahtiah a hmutu nih phone in an thanh hna caah an rat a ran hi a si. Cu bantuk report pek ` hawn hi kan ram ah si ve seh law a ` ha tuk hnga. Khrihfa mit belte cun, mi ` ha lo ah kan cang kho men hnga maw! Hi bantuk in report an ` hawn nih hin an ram an khamh khawhnak pakhat cu a si ve ka ti. An miphun an ` anh ning: Ka tupa kha, American tlamtlin lo nak kong ka chimh i a thin a hung. Sianginn ah hin ‘kanmah American hi kan fim bik, kan ` hawng bik, kan ram a ` ha bik’ ti hi an cawnpiak hna. Cu tik ah ngakchia nih cun Ameri- can cu an ` anh, an tlaihchan i, a dang miphun ` anh kho lo ding in an rawnh, an cawnpiak hna. An hmette in an i ` hanpi, an thinlung ah a riak. Ka vahnak ah ka hmuhmi pakhat cu, cheukhat inn ah America puanlaang (alaan) kha an thlai hna. Zeidah a si ka ti hna i, ‘Kanmah hi American kekte kan si, a dang cu mipem nan si, tiah mual an kan phohnak a si ko hen cu’ tiah an ka ti. Khua a ka ruahtermi cu, an hruh maw a si, an fim hen, ti kha a si. Kannih kan ram ah tah, ‘Laimi lawng kan ` ha, Kawl nih hin an kan nautat, an tluk ah an kan chia lo’ tiah cawnpiak hna usi law, kan pangma men hnga. Nain cawnpiaknak a umnak hmun ah cun a za- tawk cu kan chimh hna awk a si ko ka ti. Cuka belte ah, ca tam deuh rel le a hmaan ning in chimh le relh kan thiam a hau rua hnga ka ti. Kan fale hi an hnakhor ah a tawkzawn cu kan rawnh hna a hau ko tiah ka ruah. Miphunpi a simi nih cun, khatlei ah an ` hancho lawng a si lo, an nunphung hrimhrim an ` anh i an i dirpi, an hlaw lo ti kha kan hngalhpiak thiam hna a biapi tuk. Kannih zong nih an nawl kan cawn awk hna a herh tuk.

Bongva Magazine

142

Chin Baptist Mission Church—DC

2017