Bongva Magazine - Vol 6

nau hna, kan unau hna US le ram dang um pawl kan i bochan hna i an sin rumro ah kal i hal kan i tim. A kal zong cu kan kal taktak fawn. An inn ah va kal i thla va cam, i an ngeih tawk an kan ` henhmi cu i lawmh awk le a phung ah hei chia ko rih usi. A cu thengtheng, cu zat thengtheng nan kan pek lai tiah ri kan khiahpiak hna. An nuva kan sikter hna. Pakhat nu nih a ka chimhmi cu, “Veimu u Kio, pastor pakhat nih tangka 1,000 nan thawh lai, thla dih ah ka ra ` han lai a kan ti. Kan pa nih kan pek hna lai, kan peng kan ram pei an si cu, a ti. Kei nih ka dua a tam deuh, 500 si seh, hi hmanh hi kan khuasaknak ah leicawi kan hau lai hih ka ti. Kan pa nih a duh lo i kan nupa zarh khat chung kan i chawn kho ti lo. A hnu ah lei 200 kan cawi i 500 kan pek,” tiah a ka ti. Ka lu kaa khun turmar i khua ka ruat ngaite. Kum khat ah pakhat lawng cu kal usi law a ruah awk a ` ha rih, atu cu kan tam tuk, thleh le bauh in an ngeihmi ` henh le pek hau in kan um. Hi kong hi ‘zeidah nangmah naa ceih’ a ka titu nan um kho men. A rami pek awk, anmah biakinn thar sak awk, a peng le a tlang in, a khua in, biakinn in, khua ` hanchonak ...tbk in a phunphun kan ca ah an kan pek liangluang, an kan zohkhenh, an mithmai a chia sual lai tiah an khenret zalchung tangka an kan chuahpiak rih. Acu lak ah, cu zat theng, kha zat theng tiah kan ti hoi rih hna. Keimah ka hmuh hna ning ah kum 7 tal rian a ` uan rih lo mi hna ca ah cun an paw i cawm- nak ah a fawimi dirhmun an phan rih lo. Inn le lo, nupi le fate, maw ` awka an zalhnak ah hi thla 7 tiang cu an i za bak khi an si. Kum tam deuh le rian ` ha a ` uanmi hna ca bel ah cun an va ning sawk ko lai dah ka ti. Ka unau cheukhat hna nih an ka timi cu, “U Kio, atu hi kan kut ah zei hmanh a um lo, nizan tihni kha bill ah kan liam dih i ` henh awk a pel hmanh kan ngei lo. E hmaizarh hrawng ceo hin thla dih tiang kan hmuhmi hi kan ngei te lai,” tiah fianghlang tein an ka chimh. Ka ca ah kaa harh bik mi: Ka ca ah an sin um kaa harh bik mi cu, mi inn i ka um le ka len tik ah, mah private cio inn i a ummi hna cu, an zel hi thing a si i kan kal ah hin a awn, a ring. Thang

Kan fapa pakhat hi a piangthar taktak i Lai nunphung a ` anhtu kha minung ah a kan rel lo. Voi khat cu Tuluk ram ah kuzale in a kal. Tuluk nih an phung, an thuam, an holh, an nunphung an ` anh tuk ning a hmuh tik ah, tampi hlan a khuaruah a ` humh ka hmuh. “Ka pa, Tuluk cu mu an nunphung an ` anh tuk, kanmah bantuk an si lo,” a ka ti. Malrauh awk an si lo, khua an ruat kho tuk: America i a ummi hna nih hin, kanmah sin in zei hmanh herhmi an ngei lo ti ning law ka palh men rua hnga lo. Kannih nih an ca ah kan tuah khawh ding a um lo. Anmah nih a zei hmanh hi tling khitkhet in an i ngeih dih. Phungchim, zei dang cawnpiaknak, crusade a tuah kho ding tampi an um i pastor an tampi leng ah evangelist zong an tampi. Laica zong, nunphung kong zong, a dangdang fimthiamnak zong an ngei dih ka ti khawh hna lai. Nain kan khua le kan ram ra hmu ve hna seh tiah, an ngeihchiah an tangka dih in siaherhnak thinlung he an kan sawm i an khua le an ram kan phak khawh cio hna hi khua an ruat taktak tiah ka ti duhnak a si. Asiloah cun, kanmah nih ‘ka ko uh, ka au uh’ kan ti hna caah hmaikhah lo i an kan auh a si lai. Keimah ka um lio ah hin Lairam in siseh, Kawl ah a ummi Laimi si usih, ka rel khawh mi hna hi a za deng kan phan. Indiana Chin Bap- tist Church i kaa pumh lio ah, khual cu an kan dirter 27 kan um. Hi hi phan thar kan si i kan hlan i a phan hi 30 leng an si rih. Khua dang le ramkulh dang ah an um len hoi rih. Biaknak lei in a rami hna hi 10 leng an si. Phungchim ding ah fallen a tuah le a haltu hna hi an tam ko. Kha ning khan biakinn ah caan hmang hna seh law, kum khat chung cu, kanmahlei lawngte nih phung chim ding a si hnga i anmah nih an hman caan hi a tlawm ngai hnga ka ti. Korea ka um lio ah, voi khat cu biakinn saknak kong he pehtlai in bawmh hal ding kong khi kan ceih. Kan pastor pakhat nih a kan timi cu, “Bia- kinn sak nakding ah mi dang hal phung a si lo, kanmah le kan bu a hmetngan le kan si khawh tawkte in kan sak le kan cawl awk a si ko, a dang bawmh hal phung a si lo,” tiah a kan ti i kan con. Kannih lei nih a zei lei paoh ah kan fa-

Bongva Magazine

143

Chin Baptist Mission Church—DC

2017