Bongva Magazine - Vol 6

An rak ngeih khawh ning hi Hakha pumpi kan ngeihmi nakin a tam deuh men lai ka ti. Puan an i aihmi an liangki i an beomi belte ka va phoih dih hna. ‘Puan cu i aih awk a si ko, style in i thlaih awk a si lo ka ti hna. Kan hngalh lo caah a si an ti i ‘Ka pa, zei tik hmanh ah puan cu kan liangki ah kan run i beo ti lai lo’ tiah an ka ti. Pulpit cung ah kan Lai hlate kan sa i kan laam. ICBC, Rev. Dr. Hre Kio biakinn thar an luh lio zong ah, kan nu Sui Ki nu nih a hruai hna, a hlaphan, Bawikil kha zan hnih ka cawn- piak hna i biakinn luhnak ah an hman, ka hmuh hna tik ah, kanmah lei nakin kan nunphung an tlaihchan deuh hi ta tiah kaa lawm tuk. Kanmah lei pastor pakhat belte nih ‘Nunphung a qanhmi Khrihfabu cu an qhangcho lo’ tiah a ti hna, kei- mah pumpak in ka theih. Lam an pial nakhnga lo, Nunphung le Laiphung timi sullam fianh khawh nak caan ` ha ka hmuh caah Pathian zong ka thang ` hat i biakinn ngeitu pastor le upa hna, a chungtel hna cung ah kaa lawm khun. Bia donghnak: Ka ` ialmi a sau pah cang i, hika ` ialmi hi, aho hnak zong aan doh ko hna lai. Aa rak i ngaihcak zong nan um kho ko, face book hna nan kau ahcun hi nak reng lo an ` ialmi nan hmuh len lai. Zapi a kau le a kawl awk a thiam lo mi hna ca ah, calsaruh chuanh in ka ` ialmi a si. A reltu nih nan ka ti ning paoh ka in ko lai tiah ruah ciammam in ka ` ialmi a si. A sang deuh ka hmuhmi cu ka ` ial ngam lo. Zapi zaran nih an hei ruah khawh ding lawng hi ka ` ial. Zeicahtiah kan fale kan naule thawng in US cu lolam kal in an rak kal cang nak hmun a si caah an hmuh cio mi a si ko. Cu caah thangchiat duh ah ka ` ialmi a si lo i ka hmuhtonmi rak ` ial ve timi sawm ka ton ruangah ka ` ialmi a si. Ram dang um kan fale nih kan miphun le kan ram nan ` anhnak thin le lung maw thlau citcet lai ucih. Rat kan i nolh lengmang zong ah ruahnak kaupi he kan cohlang hram ko uh. Kannih hika lei a ummi hna zong nih kan tlawnkai hna tik ah, tawlolthlu in bia chim lo in, thluachuah vanniza he hmurthlum, kaa-al hman in an luangpi tang ah luh i zuam ko usih. US le ramdang um kan fanau hna nan cung ah Bawipa kut thiang nih in domhtlai zungzal ko hna seh.

deuh i kal le holh ah hin, ‘din deuh in’ an kan ti lengmang. Zeicahtiah zan ah rian an ` uan i chun i a itmi an um caah an kan ti duhnak a si. Ziarzia tein umkal le din deuh in biaruah a hau lengmang. -Ti hman ko ah hin ka kut thling a za bantuk in ka um. An meter hman a tam le bill a tam tuk kong an chim ka theih lengmang ruangah a si. An ti khawlhnak nih kuang chung kauh lawng si kaw, kaa tlum lo. Loklong in kaa kholh kho lo i ka awlok a chong. -Kan umkal i kan zunte a chuah tik ah Kawl ram bantuk in ramlak, kan duhnak paoh ah zun khawh bantuk a si lo. Meng 30, 40 tbk. ah khin rest area lawng ah zun khawh a si. Kei hi ka zun a tam ngai i ka ca ah kaa harh khun tawn. Annih cu an ngakchia zong nih a hmun le a caan an upat khawh caah ka fak ngai hna. Hmunthur hlonh hrimhrim ah cun ka tule nih an ka sik lengmang. Ti luannak an tuahmi: Kan kalnak paoh ah tidil tete a hme le a ngan, fim ciiciai in an um. Cun ka khatkhat ah cun, pe 70 hrawng hmunkulh chung kha an kulh i a kuarpi thuk ngai in, an cawh. Pipe nganpi, an hrolh i lung hna tampi in rem tein an phah. Zei dah a si ka ti hna i lamcung ah a luang le ti a ummi hna kha mah kuar chung ah an thlak i khi pipe chung khin a luang, saupi a kal hnu ah ri an khiahnak hmun ah an va phan dih, vawlei, lam hna a rawk sual lai tiah an i khamnak a si an ti. Zeicahtiah tidil nih hin vawlei a lem ti cu zapi hngalh cio mi a si. Ti kalnak tuah an i rep tuk. Aw kannih Hakha khua a cim, kan timi zong hi, hi bantuk in ti a luannak kan tuahpiak lo le ngakhor hna a lulam lo in kan cawhmi, tidil kan ngeih hna hi a chung ah luannak kan tuah lo caah a si hi ta tiah ka lung a fiang ngai. Cu caah kan State Municipal bawi Pu Thla Hre zong khika um kan Laimi nih hmuhsak duh ah an kawhnak kha a si. Kawl ram hmanh ah a rawn kan ti ko nain, hi bantuk hmunkulh hi kan ram ah an kan tuah- piak kho rih rua lo tiah ka ruah. Fimnak ngain- gai, i cawn awk ` ha a si ka ti. Lai miphun le nunphung an ` anh taktak: Keimah zong ka va phan i biakinn kaa pumh le biachim an ka thiahnak paoh ah Lai thilpuan he aa pummi an tam ngai. Tho zarh le CCC i bia ka chim ni ah hin Lai thuamthil he bak an i pum dih.

Bongva Magazine

144

Chin Baptist Mission Church—DC

2017