Bongva Magazine - Vol 6

    PPP

Kan hnulei thla ni 1 ni ahkhan Rammui (ramthar) ah an thlahmi pastor pakhat cu, cu khuami nih Bawi Khrih dawtnak a chim ru- angah a chungkhar dihlak he an velh hna, a innlo an hrawhpiak hnu hna ah an di a riam rih lo i an ram in an dawi hna. A hma le a rung he khualei ah a rak kirpah ah Kankaw le Bungzung khuapi karlak ah an motor lamth- lang ah aa let. Kan Laimi tampi hliam an tuar ti thawng kan theih. Cu hna lakah cun HRI- PHI khualipi pastor Rev. Ram Dawt zong aa tel ve an ti. A kut le a ke a kiak dih, a taitang a maan ngawt dih ti a si. Khoika siizung ah dah kan kalpi lai an ti i, Kankaw he aa naih deuh ko i Kankaw siizungpi ah kirpi ko usih an ti i Kankaw siizung ah an admit (an luh). Ihkhun number K 665 ah a um. Cu lio ah cun Ihk- hun number K 666 ah kawlpa U Swe Than, a thluak a diklo mi (a taksa dang cu a him dih) mi mizaw pakhat a rak um ve rua. Sibawi ngan bik nih a zoh tik hna ah, Rev. Ram Dawt cu a nun hmanh ah zarhkhat lawng a nguh lai kan chanh khawhnak a um ti lo, a thluak lawng a nung, a dang a thi dih cang a ti hna. U Swe Than zong cu a thluak a rawk tuk cang, a nun hmanh ah a hruut lai i mualpho in nan um lai tiah a chungle kha a chimh ve rua hna. “Hi mizaw pahnih hi midam pakhat ah ser khawh cu an si, Rev. Ram Dawt thluak hi U Swe Than thuak he kan thlen ah cun U Swe Than hi a nungdam lai i, Rev. Ram Dawt tu cu a thih caan zarhkhat hnu ahcun a thi ` hiam ` hiam ko lai tiah,” Sibawipa nih a ti rua hna. Rev. Ram Dawt chungkhar nanmah nawl a si a ti hna. An chungkhar te cun khua an khaang i tonpumhnak fate an nei rua, kan unaupa Ram Dawt nih a dam lio i a rak chim balmi, ka thih tikah ka taksa i a ` hatnak tete a um ahcun a herhmi sin ah rak ` hen (HLU, Donate) hna uh, ti kha an hnathlam ah a hung cuang ` han i, bia an khiahmi cu, “Sibawipa

kan unaupa hi a thi ding ` hiam ` hiam a si ko ca ah,a damlio i a saduhthah bangin hi kan pawng i thuak a herh mipa hi a thluak kan HLUT ko lai an ti. Sibawipa nih cun, thluak HLUT hi Ks.500 million a si, anmah cu mi- rum ngai an si i mah naak tam deuh zong hmanh an in pek khawh ko hna lai a ti hna. Rev. Ram Dawt chungkhat nih cun HLUT a si ko i a man a hau lo, kan zuarhmi hna a si lo, kan ` henh (HLUT) mi hna a si, piakhat hmanh pek a hau lo, a man an kan pek ding a si ahcun kan HLU(~HEN) hna lai lo tiah bia an beuh rua. Cuticun khat lei khat lei lung i hmu thiam in Rev. Ram Dawt thluak cu Pu Swe Than thluak he cun Sibawi thiamthiam nih cun an thlenpiak khawh hna an ti. Kawlram Science (Thiamnak) ah kan hei saan tuk cang ning, thluak thlen hoi hna cu kan mang hmanh ah kan manh bal lomi. A hlan ah USA, CANA- DA te hna hmanh nih an rak ti kho bal lo. Cuticun, Rev. Ram Dawt a ruak cu Lait- lang lei ah Motor in an tlunpi. Amah belte U Swe Than cu zarhhnih hnu ah a lung a hung fim i, Bia a chim hmasa bik cu Laiholh in, “Ziah ka hawile hna kha tah, atu hi khoika ahdah ka um?” a ti an ti. A chungkhat (Kawl) pawl nih cun Laiholh kha an thei ti lo i mihrut ah an ruah cang ai. A thluak kha Lai a si i a taksa cu Kawl a si diam ai cang cu ta. “Khoi BAIBAL ca rel hna u sih,” a ti hoi, a chungle nih a holh an thei hoi ti lo i ar ko in an zoh. A chungle cu an khuaruah a har tuk hnu ah Laiholh let thiam nan um maw hi siizung ah hin tiah zual an ko, Nurse nute Lainu a rak um ngelcel, a min cu Sayamah Sui Par a si. “Khoi, thla kan cam hna lai, a bik in nai i a kan veltu le khua in a kan ` hawltu khua mizapi hna caah le kan tlamtlin lonak ruang ah a kan congoihtu kan unau hna caah thla kan campiak hna lai, kan Pathian nung nih

Bongva Magazine

145

Chin Baptist Mission Church—DC

2017