Bongva Magazine - Vol 6

kong, sermon a phunphun in tulio vawleipi kong tiang aa ` ialnak cauk a si. Thlarau kong ngaih kan huam ahcun a rel zong kan huam awk a si. Ngaih lawng a huam i mah nih rel a huam lomi miphun le zumtu si hi ` ih a nung ngai. Atu kan dirhmun cu rel huam lo lawng si loin, rel a khapmi ko kan lo. Cauk cu dawr ah teh an chiah i a duh nih an cawk ko ti khawh a si. Lairam khualipi Hakha koko hmanh ah cauk zuarnak dawr kan ngei rih lo. CACC zung ah an zuarmi cu a umpah tawn. Cauk dawr va fuh ruang- mang i cauk aa cawkmi dirhmun kan phan rih lo. Cauk le carel a ` hat kong hi, rawl duh lo ngakchia leem in leem a hau rihmi, kan zuar dingmi kan sa ` il fak phunphun in fakpiak a haumi dirhmun lawng kan si rih. Hi ca hi Australia ka tlawn lio ah ka ` ial- mi a si. Australia i Muko zuartu tampi he kan i tong. Cauk zuar a harnak, inn kip i an kal- hnawhnak hna an ka chimh ahhin an hmai ka khap ruam hna lo. Nan datsi man te tal hi cu rak i laak tawn uh tiah, naisai a duh phun an si fawn lo. Caholh le miphun ` anh ruang i a pum a rak i pemi lawngte an si fawn. Zeiti khuaruahpi awk ka hngal hna lo... anmah duh- ning ahcun, an i pumhnak biakinn ah Muko hi hon chuahpi i, pumh lio thawngthanhtu nih, “ Muko mekazin a phan, pumh chuah- pah cawk khawh a si, kanmah nih rel caan kan ngei lo tiin caw loin um hlah uh, Laica a cawng cuahmahmi le Laica le Laiholh thi- am hna seh ti nan duh tukmi nan fale ca ah cawkpiak hraam hna uh,” ti te khi thanh hna seh law a dih ko, an ka ti. Cuti hei thanhnak nih cun pulpit a thurhnawmhter lai i Pathian a thin a hung lai ti cu kei ka ruah khawh phun a si lo, Pathian kan hmuhning aa dan bia zong a si kho men. Kei cu, Pathian thawng ` ha a kan chimtu siangbawite nih kan ca an kan tuahpiak, an ` hanchoter i kan ca tein Pathian he a kan pehtlaihtertu Baibal kan rel kho, a thang ` hatnak hla kan sa kho. Cucaah, kan holh le kan ca hi Pathian thluachuahmi le pe- kmi a si tiin ka ruah.

Pathian pekmi i ruah khawh cio ahcun Pathian kan thang ` hatnak biakinn i kan holh le kan ca ` hanchonak le karhzainak tuah hi sual ah ka ruat lo. Pathian biakinn le pulpit cung i midang duh tawk i phomh, me ` ing tuah caan zong i, midang kehleng phelhnak le, a ngamh le ka ti seh, sum phomh in phomh cang laang... ti lunngput hrawng tu hmanh khi biakinn le pulpit thurhhnawmhtertu ah ka ruah deuh. Ka ruah rihmi pakhat, nulepa nih kanmah ca ah crusade le camping tepawl kan tuah cu- ahmah lioah kan fale cu anmah le anmah mip- hun dang holh in lente an i celh, an i chawn len hna. Hitining cun, kan fale hi zeiholh in dah thawng ` ha kan chimh te hna lai i kan cawnpiak te hna lai ti hi a fiang lo ngai cang. Biafe: Ralzaam Khrihfabu nih pastorte kan hmuhning hna le kan hmanning hna hi ralzaam lo Khrihfabu nih hmuhning le hmanning he kan danter ko ahcun, kan biakinn hman ning zong aa dan awk a si ko ka ti. Kan biakinn hi thlarau damnak le ` han- chonak lawngah hmang loin pumsa damnak le ` hanchonak i kan hman khawhchih ahcun a miak chinchin. Kan biakinn hi kan biaknak kilvennak ca lawng ah si loin kan miphun kil- vennak i kan hman khawh le a miak chinchin fawn. Kan biakinn hi thlarau ca lawng ah herh loin thil dangdang kan herhnak hmun le kan hmuh khawhnak hmun a si ding hi a bia- pi tuk. Zeicatiah kan herhmi a umnak hmun cu fuhpanh peng a si. Nitlak ram tampi ah mino nih biakinn an fuhpanh ti lomi hi Pathian dawtnak an hngalh ruangah a si bik lai nain, biakinn hi an thlarau ca lawng si loin herhhai dang ah hmannak lam rak um seh law atu tluk lawmmam in an chuahtaak leem hnga maw. Annih cu biakinn in an tlau nain an miphun sinak in an tlau lo. Kannih cu kan biakinn in kan tlau nih cu kan miphun in kan tlau ni a si te kho. November 2, 2017 Perth

Bongva Magazine

149

Chin Baptist Mission Church—DC

2017