Bongva Magazine - Vol 6

Thlapa te aw Keimah Bang In Val Uk Cung Lin Aung Hlawnching (Thlai Dor)

Kum 12 ka si lio hrawng ah ninga ni zan- lei sianginn kan lawi cangka in ka u nih lo ah a ka kalpi tawn. Facang ` uan lio a si tikah lo kal cu a rak nuam khun ko. Kan kalpah in lampi ah facang a thiarmi hna a runrun in kan ton hna. Lo kal cu a nuam tuk in ka theih i a tlik rumro in ka tli, thabat zong ka theih lo. Lampi ahcun lo phak tik i zukhur cawh lai le pheikalh tunh ko hi kai ngaih tukmi a si. Lo kan phak cu ni a nem pah ziahmah cang. Lopil chung tlanghrawn kan kalpah hin a kenkip lo ah facang an zah lio hna, fang- cang an ` uan lio hna cu hei hmuh khawh an si hna. Fangcang ` uanmi zoh hna ahkhin an vai dawh hringhran ko hna. Kan lo cu a tawne bik ah cun va si kaw, a hnu bik ah kan va phak tawn. Kan thlam cun ka nu le ka pa cu ka hei auhpah hna. Kan lotaw ah facang an rak ` uan len lio khi ka hei hmuh hna. A rannak in ka u he cun ka nu le ka pa sin ah kan va kal. Ka pa sin ka phak cangka in, “Ka pa, zukhur cawh ding na hmu maw..?” ka ti colh. “Hika hrawng ahhin zukhur a um lo e,” a ka ti. “Atu kan dih in pheikalh kan tunh te lai mu, Ka fa, a hei ka ti pah khin um ko rih,” a ka ti i ka rak i lawm ngai. Ka thinlung ahhin nuamnak le lungth- awhnak lawng tein a rak khat ko. Zanlei cu a hong si i ka pa he pheikalh cu

kan va tunh. Kan lawi in zanriah cu kan ei ` i hna, dawtmi chungkhar rual he zanriah van ei ` i cu a va nuam hringhran ko mu. Zusa cu kan i meh i kan rawl zong a thaw khun ko. Zanriah kan khim in kan tual ah ka pa he kan zau. Cu zan cu van a thiang tuk ai, cun Thlapa lai deng zan a si fawn i. Ka pa cu zeitikah dah pheikalh kan ven te lai ti lawng cu ka hal lengmang tawn. Ka pa nih cun a ka thawh i, “Thlapa khi kan cung zawn a phak tikah kan ven te lai mu,” a ka ti. Tlawmpal ah ka u cu a ra ve i ka pa sirlei ah cun a hawng zau ve ruangmang ai. Minung nunnak ah hawikom lo cun mi- nung nunnak a sullam hi a tling lo. Cucaah cun minung a simi nih cun hawikom hi kan herh cio ve. Sihmanhsehlaw minung nun- nak hi ka zoh tikah lung a fim deuh paoh ah hmailei nunnak hi i fian deuhdeuh a simi hi dawnkhantu pakhat a si ka ti. Cucaah u pa nih an chim tawnmi ka theihmi pakhat cu thlapa a lai hlan i a rak chuakmi sa paoh hi a kah an fawi an rak ti bal khi ka theih. Thlapa a lai hnu ah cun sakah hi an fawi ti lo an ti bal. Chunlai pi ah ramvaih he a lo cang kan ti lai cu. Thlapa hi a detka te ahcun ceunak a ngei lo nain. Cu ve bantukin minung zong nun-

H cahmai 151 a peh a um lai H

Bongva Magazine

152

Chin Baptist Mission Church—DC

2017