Bongva Magazine - Vol 6

Ka theih bal lomi le ka hmuh bal lomi an tam ngai. Hawithar tampi kai chap ` han lai hi ta tiah kai nuam ngai. A si taktak ko. Ka caah hin Pathian nih vancung in hawikom ` ha le dawtu ` ha ` ha tampi cu vancung in a rak ka thlak tawn. Tlawmpal ah ‘coffee break’ kan van la. Leng kan hun chuah hlan deuh ah Mrs. Kim Chong ka hmuh le ka va chawn ta. Nai hrawng a khualtlawnnak kong pawl le korea ah cikhat a va tlun i a chungkhar he va- cation an laknak kong lawng silo in a fapate Kim Jun zong a dam lio si a van ka ti. Kan pahnih cun kan kut an tlaih pah in lengah cof- fee dinah kan hun chuak. Tuzing ka tlaipah caah ka mithmai panh ruam lo. Khua ka hoi zong ahkhin mi- nung paoh ka hrial hna le thlalangawng tbk khi kai zohter. Aruangcu, “zei ruangah na tlai” timi question tam tuk ding kha ka theihcia si. Coffee hrai ka van ilak i, donh ka van timh ahkhin ka hnulei in rimhmui pakhat ka theih. Kei cu perfume uar takmi ka si. Ka kedan a chiat te zongah a hri sih chom a si zongah perfume cu brand ` ha bakmi a hmang kho- mi ka si. Lam kan kal lio tbk hna i muidawh nawn, tungtai ` ha nawn kan sir hrawng a van kal i thlitu lakah ai thuimi perfume rim khi ka kal pah zongah hnu ka her hnawh tawn. Cun, zei brand dah si hnga? A dur ngan pah hnga maw? a man fakmi si hnga maw? timi tiang khi ka ruat colh tawn. “Avo” brand bak si. Ka theih ko. Hnulei van iher i hodah si ti van zoh khi ka duh tuk ko nain kai sum. Kai theihter chih lo. Tlawmpal ah kan hung lut ` han, ka sirlei ah minung pakhat a kal thawng nakin a perfume rim ` hiam ` hiam nihcun ka lung a ka lak hoi. Ka celh ve tilo le ka mit in ka dawi colh, nain a hnulei lawngin ka hmuh. A pumrua ka zoh khan, ka mitheih mi cu si lo a fiang. A hawipa he an i chawn le a hnulei cu a ka chit peng ve le ka hmu kho thai lo. Coat ai hrukmi cu an tam pah tawn le rianrang in van kawl colh khawh ding phun si fawn lo. Tlawmpal ah, cu

rimhmui cu ka orhlei kam a hung phan. “Leon” ka si. “Nancy, ka si. Ruah lo tak khin kan van ichawnh tikah ka lau pah. Kai laklawh, zeidang nakin a perfume ah khan ka buai deuh hoi. A mui zong ka zoh huaha lo, a tak- pum le perfume ai kahnak zawn hrawng ka ngia colh. “US Embassy ah ka ` uan. ‘Peace and conflict analysis’ department ah ka ` uan” a van tile visiting card a hun ka pek. Tlawmpal kan um ah, chuncaw ei dingin inn tang kan ` um. Buffet a si tikah mah duhnak le siarem- nak ah ` hut si. Chuncaw ka lak pah zong cun kan ichawn pah ` hiam ko. Mah belte a biahal pang tuk deuh. Kan ` hutnak cabuai zong cu ai khat ` hiam ` hiam fawn. Hmaitonh bak in kan ` hu. Caan tawite a si ko nain bia tampi kan i ruah manh. A sianginn kainak kong pawl, kawlram a phakka a hmuh tonmi le kawl le tlangcung miphun pawl kan muisam in kan ` hutto dan in kan i dannak kong pawl a hei ka ruah. Biaruah pah he cun si tikah rawl kheng- khat cu cikhat bak ah kan lim. “Zei can dah kan i komh. Zeitik lio khan dah kan rak i hmuh Ni zeizat le caan zeizat dah si cang,” timi nakin a rak biapi deuhmi cu caan tawite kan um ` i chungah zei bia pawl dah kan i ruah. Zeitluk in dah kan caan neihchun sunglawi in kan hman. Cu chung ahcun zeitluk in dah hawikomhnak kan neih khawh timi kha a rak biapi deuh. Hawikom kan sinak zongah siseh, ai duhmi kan si zongah siseh a ni le caan ah khan kan rak buai ding lem a si lo tiah ka ruah. Cu nakcun, kan hawinu kan hawipa thinlung chungah hmunhma ka la maw? a thinlung chungah ka um maw? anih teh ka thinlung chungah um ve maw? timi ca ` ial thiam pakhat nih a rak ` ialmi kha ka lung ah a chuak ngai.

Bongva Magazine

158

Chin Baptist Mission Church—DC

2017