Bongva Magazine - Vol 6

A ruang cu, nihin nikhat lawng hi kan i ton cu si ko nain kum 3 hrawng ai kom cangmi ka hawi tluk tein bia kan i ruah. Kan key ai rem thiam ngai ka ti la cu. ‘Break time’ phak paoh ah ka pawng ah ra, bia a rak ka ruah ` heo. A biahal pang tuk ka ti cang kha mu. Zarhkhat chung workshop tuahnak ah kan i hmu. Chuncaw in coffee din caan in hmaitonh in kan ` hu ` i peng. Zarhkhat ni 7 chung te khi a si ko nain hawikom taktak, ngakchiat tein ai theimi le thingkung zong kai ` imi, sianginn zong kai ` imi khi kan lo. Dir bu a si zongah, ` hut bu a si zongah bia kan i ruah caan paoh ahcun a mit ` hial lo bakin a ka zoh, cutin a mitfang ` hial loin a ka chawnh, bia a ka ruah. Cucu, ka caah tlangval dang pawl he an i lawh lonak pakhat ka hmuh khawhmi si. Ka upat tuk, bia kan i ruah ah- cun a mit lawng si lo a thinlung tiang khin attention a ka pek khawh dih tiin ka hmuh. Amah he biaruah cu a nuam. Ka zaangdam tuk. Kai hliphlau tuk fawn. Zarhkhat chung workshop kan tuah chung ahkhin inn ka lawi zanlei fatinte, message a rak ka kuat peng ‘dam te’n inn na phan maw?’ timi ca tawite khi si. Zarkhat chung hi pel lo te bakin a ka kuat. Zing ka hun tho ‘na van i thawh cang maw? kei zong lam cungah ka um lio si’ timi te hi a hei ka kuat ko. Ka hei reply peng ve ko ee. Nain, zei pipa ahkhin ka ruat rih lo. Ka theithiam rih lo. Hawi le kom kar ah phung le phai ahkhin ka hei ruah ko. Zarhhnihnak cu zung kai ka thawh. Zing dang bang message thawng a dai tuk ti khi ka thinlung nih a hlam. Nikhatnak cu zung rian tam he inn ka lawi tlai ka bat tuk lio le traffic tu le tu kai pah he tlawmte ka ai puang. Ka phone cu ka zoh le a king tuk ` hiam rih ko, amah ning si. Phone a rin caan paoh ah ka lau, “Leon si hnga maw?” ka ti. Tuzarh chung cu ka sivang. Ka umtu fak phun khin ka um. Zeidek a baumi lo. Atu le tu khi thlalang kai bih thulh, phone ka zoh thulh, zei huaha um lomi message hlun pawl ka rel thulh, ‘uite ek

chuak’ timi bak kha ka si. Thlakhat a rauh ah, ruah lo taktakpi khin Novatel Hotel ah India-Myanmar relation- ship event pakhat um le mah ahcun kan itong. Ka liang kai beimi, computer a rit takmi zong ka philh dih. Tlawmpal ah ka pawngte ah a van ra, mitfang ` hial lo bakcun a van ka zoh ` han. Kan i ton lo karlak vialte kong a ka hal, amah zong a karlak a rian ` uanmi tete kong a chim ve. Thaizing ah Shane ramlei ah khualt- lawn ai timh caah hin nihin lawng ka rak ra ta a ti. Shirt a rangmi le vandum rong muici bawngbi ai hruk. Khualtlawn ai peh pah caah si men lai, tlawmte a der pahmi lo. Tuzing zong kha innkhar hram a kal tiang mit ` hep loin ka rak zoh khawh. Ka mit lawng ah si lo ka thinlung zong ahhin a tang, ai benh. Mitfang ` hial lo bakin a ka zoh caan ah- cun hnulei ah ka tlu sual lai ti ka phang. “Kan i tong kho ` han le kai lawm” a van ti manh hoi. Keimah nih ka chim deuh ding khi si. A ruang cu, thlakhat chung hme amah kong lawngte ka ruah cu, message a ka kuat ciami vialte byheart lakin ka rel ` han cu. Kan i ton lio ai hrukmi angki pawl kha a muici zong kai cin peng rih hme cu, a perfume zei brand ti zong ka hlat khawh cang hme cu. ‘kan itong kho ` han le kai lawm’ timi bia chim ding cu keimah ka si. A hlan bantuk tein chuncaw kan ei ` han, kan ei dihin thingthei ei ding le ice- cream a va ka lakpiak chap rih. Ka lungthli in kai nuamhning hi. Cutin, ka thinlung chungah mipa pakhat nih hmunhma tampi a hun lak cang. Zung ka kai lai thlalang kai bihmi hmanh hi ka kum- nak in a tam deuh men lai. ‘Lampi hna ah itong sual sih law’ timi khi amah le keimah karlak ah ruahchannak pakhat te ka neihmi si. Shopping ka chuah hmanhah khin ka ngiat huam rih. Taxi kai cit zongah lam cung ah kal liomi sinah khin ai tel sual hnga maw? ka ti. Cutluk cun ka thinlung chung ahhin a um. A fiang ko. A fiangmi cu ka nunnak dihlak ah-

Bongva Magazine

159

Chin Baptist Mission Church—DC

2017