Bongva Magazine - Vol 6

lawng hlah maw kan kal ko kan ti nain ~ ialku umnak kan phan manh. Taxi man ka van pek, leng ah kan chuah cu ruahpi a han rih lo. A umnak inn cu ke in minutes 10 tluk kal a hau rih. Nithawng nih kan i ken lo, ka angkileng kaa phoih, a bi ngaimi zalamcung ah i hnawh ngai in ruun inn in kan panh. Zan ` im vanrial ruah sin lamkam meiceu nih a van kahmi a biangki no te ka zoh cim lo. Ka tai in fek tein a ka tlaih. Kutka hram kan phan, a bag chung a sanhmi kutka tawh cu a van kawl, a hnulei liang in duhsah tein ka van tlaih, keimah lei a van i mer ah kan hmur aa tong. Cikhat te cu a mithmai a hung sen, a lu aa khun, a khabe in ka van tlaih i duhsah tein ka van kiss. Thli a hran tuk caah inn chung rianrang in kan lut colh. Kutka cu a hnu lei a chit i, duhsah tein innchung lei ah ka van nampah, hnu lei thawn buin innpi cung sofa ` hutdan cung ah nausem te bang ka van thlim. Kan thil cinmi kan i thlen dih hnu ah innpi ah kan ` hu. Aho ukpen lonak duhnak vawlei ram fate ah lungum bia kan phuang. Zan a tlai nain kan pahnih biaruah bel a lumsa chin. “U Cung, minung hi ti a mak tuk te aw,” ka liang i hngoh buin biaruah hram a van thok ` han. “ Aw zeitin chim ko,” a sam ka tuai pah in a biachim cu ka ngai. A thawpi a van chuah, a ba ngaimi a lo. “Duhnak timi hi an rak chim tawn cu ka theih ko nain atu nangmah hi ka voikhatnak tlangval kan ngeihmi na si ruang ah maw si ka thei ve lo, nifatin te hi nangmah kong lawngte kan ruat.” ~ ialku sin in mah bia ka theih zan tluk in ka caah a sunglawimi zan a um rih lo. “Nikhat voihnih tal phone chonh, cakuat lo in na ka um ahcun ka si a vaang,” “Ka dawt ~ ialku, nangmah lawng hi nitin rian ka ` uan zong ah kan ruat zungzal ve ko e.” “Ngeh! pa hi cu velhle nan thiam tuk le, kan zum pah lo e,” ka bia hleh kanh a ka

zuam. “A si lo, bia tak kan chimh,” lungtak tein ka van chim. “U Cung, kai lawm tuk ve.” “Asinain mu, ~ ialku,” a mit cho lei hoih in a van ka zoh. “A sinain mu cun zeitin?” Leklak ka bia a ka tan colh. “Aw, zeidang a si lo. Nang cu na mui aa dawh, tlangval kip sin in duhtu le chawntu tampi na ngei hna lai, cun le kei cu ka rian ` uannak le a lam hla fawn i, valdang sin ah na ka liam tak lai ti ka phang.” A thinhunnak mithmai he a ka zoh chih. “U Cung duhnak hi lentecelhnak men ah hman zeitik hmanh ah kaa tim bal lo, voikhat ka biakam cu let ` han ding zong kaa tim lo,” tiah chol ko in a ka leh. A thinhun cang ti ka van theih hnu in ka bia key ka van thlen ` han. “Ngakchia hi cu capo le biatak hi dawh nan theithiam tawn lo le, atu nai cu kan capo bia dawh si ko cuh,” nih pah buin ka van hnemh ` han. Kan kar ah duhdawtnak a hung karh. Maw chialmal in a hung vang mi kan cung thlatang pa nih an van ka mirh. Vanlai cung firuk run- rual hna zong an bu tein an ` hep delhmalh khi kan cuan ` i. Caantlai suimilam zong nih ngak hin lo in amah ningkel in a kal ziahmah. A dai, a thiang, a kingmi hmun nuam ah duhnak vawlei ram kan cul ` i. Cu zan sining nih kan pahnih caah tuan- bia sunglawi a rak kan serpiak. Zeitik hmanh ah philh awk a ` ha ti lo, KL zan kha khirh ` han khawh siseh law tiin.

Tlerlung Melbourne

Bongva Magazine

165

Chin Baptist Mission Church—DC

2017