Bongva Magazine - Vol 6

bia,” an si nain, ka caah cun “siivai” bantuk an rak si. Theih ka duh lo bikmi authawng ka hna hram ah thang sehlaw cu bang. A hmaikhah lo ah ka lu cholei ah ka hei tun. A holh-aa mi bang, um..aa..aw..ti vial hi ka chim khawhmi an si. Dawtku hmai ka khaap lo tuk nain, ka hnap hrawh a thang chinchin i, ka mitthli a hai. Hmaitonh in ka zoh ngam lo caah hnulei kaa mer. Voikhat ka mit ka ` hep i ka mitthli amah tein a tla. Ka mitthli cu ka mit chung ah an i kharh i khuamawt zan bang zeihmanh ka hmu kho lo. Ka dua, pasal ti ko, timi Dawtku hnemhnak aw nih ka thinlungne zong a khoih dih. Kaa thei nacuahmah buin hnapduk he ka ik. Si e, pasal cio pei kan si cu ka hei ti pah bu ah le ka ni kho na loin kaa nihter chih bu in ka mitthli kurkur in an tla. Sui, Dawtku bia hi ka zum kho hnga maw. Ka zumh ko nain ka zum kho lo. A ka chimhmi vialte hi ka theih dih nain ka thei fawn lo. Zeiruang ah ti hi bia kaa hal nain a phi ka hngal lo. Asinain, kan duhdawtnak ruang ah a si ti cu kaa fiang. Dawtku nihhin na lungfah lai kan sian lo caah mah bia hna hi kan chimhmi a si, a ka ti. Hawikom kan si caah zawnruahnak in a hei ka chimhmi cu a si ko ta. Asinain, na chiatnak kong le nang- mah philh ding in a ka lemsoi tik ah ka thin a hung. Amah lehlam tu ka huat. A ruang cu kan duhnak mit hi a rak caw i na chiatnak ka hmuh khawh lo caah a si. Asinain, thil sining tete an hun i thleng. Nan inn ah Lianlian hi a ` hin a ` hing ti lo. Ka rak in len caan le Lianlian nih an len caan hi aa tong ngai fawn. Bia na chim tik ah naa ` ih ` anh. Ciimkaam ngai in na um. Voidang na umtu le na biachim he naa lo ti lo. Ka hmai na ka khaap lo ti hi na mithmai nih a langhter ko. Na ka duh tuk ruang hmaikhah lo si loin na thinlung in pheu le hlawt ka si cang ruang tu ah an rak si deuh ti hi kaa fiang ziahmah. Bia kan hal tik ah na lau. Na ka leh tik ah kaa palh sual lai ti na phang. Panh nawn, lau nawn le lu i kheuh buin na ka leh. A chap lo ah Lianlian cu na mitsir in na zoh pah rih.

Zaandai Tang Mitthli Salai KB Thawng

Cu zing, a hmai panh lo bu khin. Kehlei ah a lu a thlukpah khin hitihin. “Suisui nih hin na duhnak hi aa hngalh tuk ve ko nain nangmah nakin pei Lianlian a duh deuh cu,” tiah Dawtku nih a hun ka chimh. A bia hmanh ka leh hlan ah hitihin a peh. “Ka dua KB, zeipaoh hi hei in chim ko ning law mu. Suisui nihhin a rak in duh ve taktak ko. Asi- nain, nu nih hin mirum deuh le mui le sam zong ah aa za deuh mi ` heo hi dawh kan i thim cuh. Zoh hme, Suisui nih a rak in duh tuk ko. Khuapi theih dawh nan rak si kha mu. Mang Sang pu lebang nih ka hataat a ` ha tuk cang. Kum 70 ka si cang hih, nan puaisa ei manh loin thlankhur luh ka duh lo hih. Kan daithlanh hlah u, kan dang zauzau u. Vokthau sum 5 zong nan ngeih ko ` ung a rak in ti phah kha mu. Asinain atu cu zoh ko ngat, Suisui thinlung ah hmunhma na ngeih ti ` ung lo, i lungsak ko cang mu,” tiah a bia a peh. Ka hawinu Dawtku bia hi, “hnemhnak

Bongva Magazine

166

Chin Baptist Mission Church—DC

2017