Bongva Magazine - Vol 6

Ka bia aa hnihthum lai ti na phang. Na mit- au le na umtu zoh ah a caan ahcun mifir na lo deng—Uifir aa phuhrung an ti bang. Naa phuhrung, na chimmi naa zumh lo. Lianlian hmai si kaw bia na chim tik ah na kaam aa sur. Kaan theihthiam tuk nain, ka lungfahnak hi thinlung ah fei bang a rak i chuun ve. Kan hawinu Dawtku bia hi ka zumh duh lo zong ah video bang ka hmaika ah a lang. Zankhat lio ah nan inn ka ra. Na nu le pa an len maw si hnga, an ih cang dah a si hnga cu ka hngal lo. Lianlian he nanmah pahnih lawng nan ` hu. Nan biaruahmi cu a dikthliar in ka thei lo nain nan i duh tuk ti cu kaa fiang. Nan thawngpang ka ngaih tik ah a caan ah cun khut, tiah hung luh duak ka duh. Asinain, mei a rat lo zan, phazawngdan nan vaang i ka lut ngam lo. Zei nan tuah cu ka hngal lo nain lunghrinhnak in ka khat. Thin domh bu le thawchuahsu in nan innhmai ah ka dir. Li- anlian he caan ` ha nan hman lio ah kei cu nan vampang hngoh in mitthli he. Ka hnu kaa mer. Ka cal kaa domh. Nan thawngpang theih sual lai ka phang, ka hnakhaw kaa phih. Totum in ka ` hu i, ka lu domh buin sivanghnak mitthli he nan inn hmai ah ka ` hu. Sui, “Kei cu riitdawn ceo,” ka si. Asi- nain, ritdawntu nih cun vanzuang siseh, ritte siseh, langak siseh, ` hawlnak nawl a ngei i a cinthlak thlairawl a himter. Asinain, kei cu a lang lawng in ka cuanh. Ka ca ah ‘riit’ a simi ka ` hawl ngam lo. Ka sining dikthliar in a ka theitu nangmah na si ko. Cucu, kaa thei nac- uahmah buin ka cung ah a tlung. Zeihngal lo semmawng ka si hraw lo. Duhnak ahhin sifak le mirum, ngakchia upa kan um phum hnga maw? Cucu a phi ka hngalh ko, ka cawn ruang ah ka thiammi a si lo. Baihat in ka thiammi zong a si fawn lo. Cawnpiaktu saya ka ngeih ruang zong ah a si lo. “Duhnak vampang” ka pah hnu in ka hn- galhmi tu a si. Ka sining le ka nunnak ah kan duhnak aa hrolh hnu ah ka fiang chinchin.

Kum le caan aa mer. Ninu thlapa zong an rian a simi nikhat hnu nikhat, zankhat hnu zankhat in an khuallam an peh. Lianlian le Su- isui zong cu an nai ngai cang, ti khi hawikom sin in ka theih. Ka lung a thi kho lo, i relh lo bantuk le rian hmabaak bantuk, siaherh ban- tuk khin umtu zia thiam loin ka um. Zanlei 3:00 PM hrawng khi a si. “Salai KB Thawng a um maw?” tiah innka hram in an authawng khi ka hei theih. “Ka um ko hih, zeidah a herhmi a um maw?” Ka hmuh bal lomi nungak pahnih nih an bag chung in “SAWMNAK CA” an hun i chuah i an ka pek. “Pel lo tein rak chuak te mu,” tiah bia an ka cahtaak. *** Tuzan cu zan dang he aa lo lo. Zan a tlai i fingrei a cat hnik cang. Lung i tuainak li- anpi he ihkhun ka panh. Ka mitkuh a hrio, ka merem kho lo. Atuletu ka khel kaa let. Cal cung ah ka kut chuang in liamcia caan sin ah ka nun aa mawng. Lianlian he an nihkheh le an bia vialte ka hnathlam in an tlau kho lo. Ka hnakhaw kaa phih len zong ah mitthlam ah video bang a lang peng. A ti awk theih lo ah puanbulu kaa khuh. Asinain, zei a cang hlei lo. Sivanghnak le liamcia caan cuaithlainak in ka nunnak a khat. A donghnak ah aho fial loin a luangmi mithli ceo hi ka miakmi a si. Ka mitthli nih ka chantling a cinh. Ka lung a mit, ka hmal a hma. Ka lumu zong a hit dih. Ka hnar zong a ping dih. Hnapduk le mitthli he ka hacang aa rial, ka thawchuah aa su, cingvangtla in zandai tang ah mitthli he. Ka thinlung ah baihat in Hnianghniang hla aa sa. “Zandai tang mitthli...rung luang ai cu ka thin. Ka lenhawi farcan ka dawt, ka thinhnemtu. Tlingkhaandang cung merem loin tuzan cu tuzan cu, aw...mitthli he cun ka thlim hlah. Lungzuur tuk in map hlah ning, ka ti zawn ah, aanhleng veelhle ka tiam hlah, lungkuai tuk in tuar hlah ning ka ti zawn ah…” Zandai tang mitthli te… rung luang ai e, tu-zan-cu…

***

Bongva Magazine

167

Chin Baptist Mission Church—DC

2017