Bongva Magazine - Vol 6

Bongva in Lunglawmhnak Kuttlaih Cu ngai kan lennak khua i hlat tuk cu! Rili pi le tlang sang tamtuk nih kan dang hna kaw, zanmang hmanh ah ton lai ruah ngam si hngin lo. Vawlei dang khuasa kan si hna ai ri. Lairam ah len lio ahcun “tluang dang hraam cu tuar har tuk ai” tiin leeng le val rual nih ti tawn hna hmanh sehlaw tonnak caan ` ha cu Cung khua Zingnu nih a serpiak tawn ko hna. Tluang dang si lo in, lei dang khuasa kan si hnu cun ngaih zawn ah hmel hmu lang ti awk ` ha kho hrim ti lo. Kan cung a zuang kai ` ial va hmanh sunghno ka nu cu na hmu maw tiin cah awk rem thiam ti lo. Maw Cung khua Zingnu ` hat zia ngai cu! Chan ` ha cu kan serpiak cang kaw, leeng le val lawng hlah, nulepa hna he mui hmuh tein aan ka biak khawh zong kan si kho ve hna. Ram dang le semnak Lai lungrawn ah leeng le val rual hna cu telefawn in text le chat khawh si cang hna kaw, dawtmi conak ding ah vairang ca ` ial a bau ti tawn mi zong ruah har dawh an si ti lo. Zungzal caah run inn ceutertu thaisung dawh te an ngeih khawhnak si hram hna seh. Nulepa ca zong ah chan ` ha chuah hnu hrat cun kan siang hrim lo kan ti tawnmi zong kal taak hau an tam ko cang. Hmailei chan ` ha dawi tu i zuam cio cang ko hna usih. Nain, hringtu nulepa le ulenau le miphun hawikom dawt hna zunngaihnak le dawtnak bia cu telefawn in text le chat cawk cu si thiam ri lo. Washington, DC, USA in Bongva te cu semnak Lai lungrawn le leikhuaza leeng miphun hawi nan sin ah kan run zuanter ` han ko. Biazai ` ialthiam, fimnak ca ` ialthiam, sermon ` ialthiam, uknak lei ca ` ialthiam, le theihtlei lungchuak saduhthah ` ialthiam hna nih nan capar tein nan kan bawmh caah kan bongva te cu a zuan khawhnak a si. Nan dihlak cungah kan lung aa lawm tuk. Bawipa Pathian nih thluachuah in pe cio ko hna seh! Bongva bia roling reltu vialte nan cungah kan lunglawmhnak kan phuang cawk lo. Path- ian nih A thluachuah cu nan sin lei ah luanter zungzal ko seh. Bawipa nih A vel le zang- fahnak van ruah ti thiang in in cawmkeng cio ko hna seh! A dawtnak, daihnak, le dinnak cu nan cungah tlung ko seh! Washington, DC ah khuasa Chin Baptist Mission Church zumtu vialte nih Bawi Khrih min in nan kut kan in tlaih hna. Miphun dang lakah a leengmi fanau le vialte tlau sual lai kan phan tuk caah Pathian zumhnak he kan Laica le Laiholh le nunphung hna hi kilven piak kan duh hna. Cu caah, CBMC Bongva hi kum fa tein zuang kho peng sehlaw ti kan duh tuk. Hmailei zong ah kan ca ah zanghlei kan cawipiak lengmang hram ko u tiah Bawi Khrih min in nawlpat kan in duh chung ko hna. “Pathian sunparnak caah sermi kan sinak langhter cio hna usih” [Is. 43:7].

Rev. Dr. C Duh Kam Senior Pastor

Bongva Magazine

17

Chin Baptist Mission Church—DC

2017