Bongva Magazine - Vol 6

Edi ` ha Hmurka

Ca ` ialtu hna le careltu hna thawng in a voi 6nak Bongva Mekazin cu kan hun chuah ` han. Kan phaknak hmun kip cio ah kan ca, kan holh le kan nunphung cu kanmah le kan ti khawh tawk cio in dirpi cio kan i zuam. Ramdang a peemmi nih kan ca le kan holh hi a hlei in dirkamh a herh. Kan ca le ka holh dirkamh cu kan miphun dirkamh a si. Kan miphun dirkamh cu kan miphun chan peh a si. Kan miphun chan peh cu kan Khrihfabu chan peh zong a si. Miphun kip aa cawhnak ram nganpi ah a ummi kan si. Miphun ngan pipi hna lakah aa tenhmi miphun hmete kan si caah kan miphun dirh- mun a hnet lo. Chan zeizet kan him lai chim chung khawh a si lo. Khri- hfabu thladem tang in kan miphun kan dirkamh khawh chung tiang lawng kan miphun him dawh a si. Mipeem nih kan miphun chan kan peh khawh nakding ahcun Khrihfabu nih kan holh, kan ca le kan nunp- hung zeitluk in kan dirkamh timi cungah aa hngat ngaingaimi a si. Cucaah kan miphun chan tampi tiang a hmunh khawh nakding ah Khrihfabu nih kan ca le kan holh dirkamh zungzal dingah ` uanvo ngan- pi kan ngei. Tulio Khrihfabu dirhmun zohchih in hmailei kan miphun dirhmun zeimawzat hei cuanh khawh a si. Ca le holh fakpi in a dirka- mhmi Khrihfabu hna umnak ah kan miphun a him deuh lai nain ca le holh ah a daithlangmi Khrihfabu umnak hmun ah kan miphun chan sau a him lai ka zum lo.

Kan miphun chan saupi a hmunh khawh nakding ah kan dihlak ` uanvo kan ngei.

Salai Lairamthang

Bongva Magazine

18

Chin Baptist Mission Church—DC

2017