Bongva Magazine - Vol 6

hlak in theih a hau. Khamh ciami kan si timi tluk in khamh liomi kan si, khamh laimi kan si timi zong a biapi. Ruahchannak in khamh kan si. Khamh ciami kan si zongah kan tlau kho. Ka sualcia vialte a ka ngaihthiam dih, ka sual lai dingmi zong a ka ngaithiam dih timi hi khoika Bible chung hmanh ah a um lo. Bawi Jesuh nih, “I ralring uh a dongh tiang nan feh a hau,’ a ti. “Bawi Jesuh nih Pa le Fapa le Thiang Thlarau min in tipil pe hna u tiah a ti; asinain Paul le Piter te nih khan Jesuh min in an pek hna; zeiruangah a si?” Pa le fapa le thiangthlarau min in tipil peknak cu Bawi Jesuh nih a kan cawnpiakmi a si i, kum thonghnih hrawng kan zulh cang- mi a si. Cucaah cun Christian traditional ah- cun Pa le fapa le thiangthlarau a si ko. El awk a ` ha rua hnga lo. Mah cu zei in dah a rat kan ti ahcun, Khrih he zong a peh, Pa cu Pathian, fapa cu Pathian, thlarau cu Pathian ti he zong a peh. Cucaah cun Pathian min in kan ti tikah thlarau min in kan ti zongah Pathian cu thla- rau zong pei a si ko cu va ti khawh a si. Fa min ti zong Pathian ti khawh a si ve ko, Pa min ti zong Pathian ti khawh si. Sihmahse- hlaw vawleicung ah Khrihfami nih kum 2000 hrawng kan hman cangmi a si i, a si lo a timi hi an um set lai lo. Pentecostal dah ti lo cu. Pentecostal nih cun an doctrine hrimhrim ah Khrih hi an zum lo. Pa, fa le thiangthlarau zong an zum lo. Cucaah Pentecostal cu As- sembly of God nih an dawi hna cuh. Bawi Jesuh chan lio in atu tiang, ‘Pa le Fapa le Thiang Thlarau’ ti a si zungzal ko. Asinain Lamkaltu chan ah khan Jesuh lei le Caesar lei tiah kap hnih an rak um. Cucaah Je- suh maw bawi, Caesar dah bawi? tiah an rak i al lio caan a si. Zultu hna nih thawng ` habia an rak chim lio caan zong a si. Cucaah tipil in tik ah Jesuh min in maw na in lai Caesar min in dah na in lai? ti a si. Cu tikah Jesuh lei ` angmi hna nih cun Jesuh min in an ti lo awk

a ` ha lo. Jesuh lei si lo ah cun Ceasar lei si ding, Ceasar min i pek lo ah cun Jesuh min in pek ding a rak si kan ti lai. Mah context cun, tipil an pek hna caah “Jesuh min in” an rak ti kha a si. Atu zong ah “Ceasar min in maw Jesuh min dah dah” ti um seh law “Jesuh min in” ti a si ko hnga. Bible Ca nih holhtheihlo kong ah zeitin- dah a kan cawpiak, holhtheihlo kong ah na hmuhning? Bible ca nih thiangthlarau ngeimi cu holhtheihlo in an holh, cun thiangthlarau a ngeimi cu holhtheihlo zong in an holh lem lo. A pahnih in a kan cawnpiak kan ti lai maw? Kei i ka timi cu, “Hmun thum ah thiangth- larau a ngeimi cu holhtheihlo in an holh a ti i, a tlawm bik hmun sarih ah thiangthla- rau an ngei, asinain holhtheihlo in an holh tiah a chim lo caah Bible ca nih a ` an pimi cu holhtheihlo holh hi thingthlarau a ngeimi poah nih an holh lem lo timi kha a kan chimh duhmi a si rua tiah ka ruah. Zeidah a lawh tiah cun Bawi Jesuh Khrih cu thihnak in a tho ti le Pathian nih a thawhter timi khi voi zeizat a si tiah ka rel tik ah Jesuh cu thihnak in a tho, amah tein a tho timi nakin Pathian nih a thawhter timi khi a let thum in an tam deuh. Cucaah Bible ca nih a kan cawnpiakmi cu amah tein a tho timi nakin Pathian nih a thawhter timi kha kan pom deuh. Cucaah thlarau ngeih ruangah holhtheih- lo in an holh ti le thlarau ngeih ruangah holhtheihlo in an holh lem lo timi cuai kan thai tik thlarau ngeih ruangah holhtheihlo in a holh lem lo timi a rit deuh. A palh rua ka timi cu thlarau nan ngeih ahcun holhtheihlo in nan holh awk a si timi le holhtheihlo in nan holh lo ahcun thlarau nan ngei lo timi hi a si.

Bongva Magazine

70

Chin Baptist Mission Church—DC

2017