Bongva Magazine - Vol 6

6                          By Pu Lian Uk

hawikom i tlaihkhihnak phungphai kan i ngeih tawnmi kha kan zulh lawng ah kan nun khawhnak Chin bungkor tling tidil tling kan ser khawh ning cu a si. Ramdang khuasa in kan um tikah pakhat le pakhat i chawnhbiak, tha ipek, lungthawhnak bia iruahpi, ichimpi tibantuk chiat ah ihnempinak, ` hat ah ilaw- mhpinak in kan Chinmi Khrihfabu chung tuah ding hi kan pumcawmnak rian phunkhat ah a tlawm bik zarhkhat vuikhat tibantukin kan chungkhar program pakhat ngai in kan iserh awk a si. Cubantuk chungkhat rualchan innpa, lopa he i hulum ngai in nun ` i cu Laimi kan thin- lung ngeih hrim a si ning kan holh kan bia nih nifa a phuanmi a si. Cuti bantuk a sining kan holh in kan hmuh khawhmi ah midang lunglawmhter a duh ngaimi miphun kan si. Cu mi lunglawmhter a duh ngaimi phun kan sinak cu Baibal chung bia “to serve” timi midang lawmhter ding Baibal bia nih cawn- piaknak a ` ialmi khi Khrihfa kan rak si hlan in Chin miphun nih atu tiang kan thinlung ngeih ning, kan holh nih a phuan khi a si. Pathian Baibal ca chung ah na orhlei kut in na tuahmi kha na kehlei hngalhter hlah tibantuk bia khi kan nun lam nih a rak zulh cia chung cangmi a si. Tahchunh nak ah mi cung ah ` hatnak ka tuah ahcun mi nih ka cung ah rak tuah ve hna seh ti khi Chin miphun kokek thinlung ah tumtah bikmi a si lem lo. Cuti tumtah bikmi a si loning cu mi nih kan cung ah thil ` ha an tuah tikah kaa lawm tuk, na ka lawnhter tuk ti bia kan chim i Kawlte Mirang te bantuk Thankyou, kyezu ttin de” kaan lawmh tuk ve ti kan chim lo. Kaa lawm tuk = you can make me pleased” na ka lawmhter ngai, Kaa lawm ngai ti in an kan lawmhter khawh ning tu

Atu chan ah Chin miphun nih innpa lopa le rualchancingla hawikom he hulum ngai in nunphung ngei lomi nitlak lei individualism timi mahpumpak lulawnnak phung deuh a hmangmi ram kan phanh hna. Cu tikah ngacu ti chung ah a nung khomi a si nain ti um lon- ak leiro a phanh ahcun nunhar an tuar i an thi ko hna. Cu bantukin Chin miphun zong kan i hulum khawh lonak ramdang kakip kan phanh ve tikah kan tuar a fak ngai hna i, kan khua kan ramlei i kan ton bal lomi thihnak phunphun kan tuar hi zapi theihmi a si. Ti umlonak tlangcar ah nga zuat kan duh ahcun nga a nun khawh nakhnga bungkor le tidil serpiak in kan zuat. Cu bantuk in Chin miphun zong kan nunlam he aa lolomi hmu- nhma ramdang miphundang sin kan phanh tikah i hulum ngai in khua kan sak khawh nakhnga Chin Society Chin miphun khuasak khawhnak ding kan khua kan ram i kan zulh tawnmi nunzia le nunphung holh ca, Chin miphun vial nih zulh ` imi le hman ` i nakding hmunhma kha Chin miphun Khrihfabu le i komh khawhnak phu le bu phunphun kan sermi khi Chin miphun nun khawhnak bung- kor le tidil bantuk kan sermi hrim cu an si. Tahchunhnak ah Mirang nih pumhnak ah tualleng ngakchia tete an fale kha an sin an pumhpi theng hna lo. Asinain kanmah Chin miphun pumhnak ah ngakchia tualleng ` hi tete le bawhte zong in kan pumhpimi hna khi kan biakinn pumhnak hmun cu Chin miphun kan nunphung, zulh tawnmi thlah lo in kan hmannak hrang kan dilmi tidil le bungkor bantuk te cu a si ve . Asinain Krifabu bungkor le tidil kan sermi biakinn lawng cun a za rih lo. Khualei kan nun lam kha kanmah Chin miphun khua- saknak (society) chung ah rualchan cingla

Bongva Magazine

82

Chin Baptist Mission Church—DC

2017