Bongva Magazine - Vol 6

khuatlun lai ah kan U Darzik fanute cu peng upa a ti khomi an si bantukin Hakha cu kan pule lei khua nan si tiah vok an rak kan thah in ka theih tikah Chin miphun kan nunphung a si hi a va ` ha tuk dah ti khi a ka ruahter. Cubantuk cun pakhat chungkharkhatmi sinak thawng zong in a khuazapi, a tlang zapi, a peng zapi, a ram zapi ti bantukin i tlaihnak thisa rak ngeihmi phung kan ngeih cu phung ` ha tuk kan thlau ti lo ding hrim khi a si.Cu bantuk he kanmah kawichang he aa naihnia- mmi kha thisa tlai chungkhat unau phunkhat in kan i ruat hna. Cubantukin America ram le ramdang hna ah kanmah mui he aa lo deuhmi Asiami an um lo tikah Mirang, Minak, Arab pawl kha hawikom ` ha ngai ah kan ser hna khi a si. America ah Minak Mirang Asia mi tiin hmunkhat rian kan ` uan tikah Chin miphun he aa lo bikmi Phillpine mi, Vietnammi , Korea mi timi cu unau chungkhat taktak in kan i daw hna i Mirang Minak Arab pawl he cun hawikom dawt in kan i daw hna. Unau chungkhat rualchan ` i naih tein kan i ruahmi thinlung ngeihmi kha Chin miphun rualchan dang an umlonak hmun ah anmah he kan i naih biknak ah chungkhat rualchan thinlung kan ngeimi ruahnak kha kanmah he muisam aa lo bikmi cung ah kan ` hial khi a si. Cuti kokek minung phung kan thlah sian lo tikah chungkhar rualchan chung i pehtlaihnak i naihniam pengnak kan langhtermi ah kan nunphung in nau i zohpiaknak, lawmhnak caan innsak losak tikah i lawmhpinak tuah le khua caan conglawmhnak (festivals) , Hniang Tho, Hlukhla khuacaan kip kan tuah tikah ei- din theitlai i cawih te hna, nauchuak zeimawte in chungkhat nifar tibantuk in i zoh i venpiak tibantuk rualchan thi aa tlaimi si langhternak tuah ding rian kan i ngeihmi hna a um. Kan hawi Tedim lei Mizolei le thlanglei Lairam mi pawl cu a khuatlang festival khuacaan conglawmhnak hi hlanlio a no hung tawn- ning in ramdang zong ah an tuah lengmang hna. Hakha Thantlang lei hi khuacaankip

conglawmh mi festival, Hniang tho or Lam- laicheih hlukhla timi kan ngeihmi khuacaan lawmhnak hi tuah kan thei ti lo. Kan miphun tlau ding hram aa thawk tiin ruah hau a si. Cun Chin miphun nih tisik anhnah khua karlak i kuat lawng hmanh siloin, America a ummi hna khuahlapi riliral Laikhua zong in an- thor caarte, ngacar te, memu, dingkok, khuhlu tite hna bantuk kan i kuat khi keimah zong nih ka kenpiak bal hna i, Chin miphun chungkhat rualchan hawikom kan i tlaihchan tuk le sia kan i herhnak a thuhning a langhnak a si. Cu nihcun Chinmi khuasak ` inak nunp- hung aa dil nakding bungkor tidil thuk deuh in sernak ah a bawm tukmi an si. I tlaihchan- nak le duhdawtnak a thuhning a langhtermi kan phung a len ding bawmtu le thapetu an si hna. Nitlakleimi nih Card an i kuat phun khi a si i, Card kuat hi Chinmi nih kan i sunsak lo ngai rih hna. Cubantuk i tlaihchannak hri a zammi kha kan miphun sinak langhternak an si i, kan tuah khawh lo tikah a herh lo ti si loin kan san tlaih lo bia ah atu kan tuah khawh rih lo ahcun hmailei tuah ding leiba hrim in kan i chiah ding a si. Cuti a phu, a bu tein a nung ` i le khuasa ` i kan si ruangah nupi ` hit va ngeih tikah va a ngeimi nih a tlangvalpa lawng kha a vat a si loin a chungkhar phun mi chungpi in vat bantuk a si. Pa nupi ` hi zong nih cubantuk ` hiam in a nupi chungkhar zapi a ` hit bantuk ah cun a cang ve. Cucaah nupi ` hit va ngeih tikah chungkhat rualchan i ceih ` inak kan ngeih ` heumi nih khin nupi ` hit va ngeih tikah rualchan cingla chungkhar phun hawi hnat- laknak lak a si i, arsa thahte hna kan ngeih khi cu bantuk chungkhar sinak rem tein ti- rawl i purh ` i nun ` i ding kan si ti biakamnak sathiluanh a si caah tuah lo ` ha a si lomi in ruahmi a si. Man kan i manhmi zong chungkhar i peht- laihnak symbol, tingketah thisa kan i tlaih hna ning langhternak caah tuahmi a si. Vangei monu a pale le chungkhat sin man manhmi siseh, ni man, ` a man, pu man in chungkhat

Bongva Magazine

84

Chin Baptist Mission Church—DC

2017