Bongva Magazine - Vol 6

hman khawh asi ti lo an von ti i mizapi nih an ikhonmi tangka vialte chuh dih bantuk asi lio, lamkip in kan ram ai rawk tuk i mivialte an thin akhenh lio an ing apuan lio asi caah abuai na ti ahcun cangai na hmuh tinak asi. Kan ram luatnak kan hmuh hnu ah pakhat le pakhat kan ikahnak aruang theih na duh ahcun akan uktu nih ` hen ` he ` hen i uk (di- vide and rule) le ` hen ` he ` hen i tai (divide and conquer) an hmannak theih ahau. Mirang chan lioah tlangcungmi mitlawm phun lawng ralkap ah an rak laak hna i mitam phun (Kawl ti duhnak) an rak la hna lo. Tlangcungmi le hmunrawnmi an kan ` hen i kan itlawnkai khawh lo caah izumh lonak ci an rak thlak. Khakha cangai cu asi. Aleng lang nak tamdeuh hmuh ahau. Amuisam nih mi ahlen khawh tawn. Achung thil hmuh khawh aherh. Ka mit in pei keimah hrimhrim nih ka hmuh ko cu atimi nih pedan kha ti an hnim ahcun akawi kha an hmuh lai. Sains le ceunak umtuning na hngalh ahcun pedan zeicahdah akawi ti kha na hngalh lai. Kan mit hmanh hi zumh awk asilo zia na hn- galh lai. Misual damiah tehna mi sui ` hi achat- tu tehna tlaih duh ah zumhlomi pawl tlar tung i atuahtu taktak hmundang ah chiah ziar cu kan mit le kan thinlung hlen khawh asi zia alanghter. Chuncha kha ti ah ruah i sazuh dawi ipalh cu cangai hmuh lo ruangah asi. Aphin lonak sithuh cu Mi Aye lawng mawhchiat he ai lo. Mi Aye zeicahdah a-au (Why) na ti lawn- gah cangai na hmuh lai. Cangai laakpiak loin Mi Aye lawng na vuak i na ` huat chih leng- mang ahcun Mi Aye voihnih fah in afaak lai. Cangai na hmuhmi cu cangai na kawl caah asi. Mi Aye pinah cangai aum kho timi ruahnak neih ahau. Mi Aye bak asi na ti i zei na tuaktan ti lo ahcun cangai hmuh ahar lai. Cangai na kawl khawh lo ahcun aphi taktak achuak lai lo. Mi Aye cu dong loin a ` ap lai i puai ai rawk ko lai. Atu chan ahcun vuleicung he ipehtlaih dih asi tikah cangai zong an tam cang. Ramc-

hung cangai ai tel pinah ramleng cangai zong an itel kho. Cangai zong pakhat lawng theng asi lai lo. Abubu zong in an um kho. Ka hmuh cang na timi cangai zong Mi Aye ceptu le au- tertu asi theng lai lo. Ceptu cangai kha hmun khat ummi asi i na tlaihmi cangai kha kadang ummi zong asi men lai. Ceptu cangai kha khawl khawh ahau. Kawlram kan harnak donghter ding le hawihnu adenmi kan ram nih chan adawi khawhnak ah Mi Aye le cangai thleidan khawh hi abiapi cem. Ramchung ramleng kong atheimi, Kawlram kan ti le kan ram le kan minung kong atheimi alengmi (third per- son) he ` ha tein icaihhmai lawng ah cangai kan hmuh lai. Mah rawlte a-ei i mah riante a ` uanmi misawsawh nih cangai ka hmuh lomi cu ai ning deuh. Mizapi ca ` hatnak ka tuah lai atitu, asang bik hruaitu, amin athangmi, mi ahruai kho mi, nawl aneimi, hawikom ` ha ` ha aneimi nih cangai ahmuh lomi hi ` ih anung. Cangai hmuh lo hi rian thiam rih lo asi ahcun ngaihthiam khawh asinain cangai kawl duhlo cu ngaihthiam awk ah ahar. Cangai hi kawl selaw hmu selaw ka duh. 20-12-2016 [A cunglei cabia hi The Voice Weekly journal ah September 30, 2013 (Thein Sein chan lio) ah an rak chuah. A ` hat pinah nihin thil sining he ai tlak peng rih anti caah De- cember 19, 2016 (Aung San Suu Kyi chan) ah an von chuah ` han. Cucu Bongva Mekazin careltu caah ka von leh. A ` ialtu hi the Voice tadinca i Deputy Chief Editor Zeya Thu asi. Ca ` ial thiam ngai le ramrian ah ahngal ngaimi ah an chiahmi asi.]

Bongva Magazine

87

Chin Baptist Mission Church—DC

2017