Bongva Magazine - Vol 6

Capt. Thai Cawn, Khai Kam, Con Bik, Lal Luai te hna khi “Mipi” asilole “Mipipa” cu an si. ‘A Kei’ le “A Nang’ hoi hna cu “Mipi” asiloah “Mipipa” kan si naisai lo. Kei hoi hna hi cu, atu in hmailei kum 1000 hmanh va nung rih ning law, “Mipi” asilole “Mipipa” cazin ahcun kaa tel kho naisai lai lo. Mizaran le mizapi sawhsawh zong khi “Mipi/Mipipa” an si pek lo. Mi sawhsawh an si ve ko. Cu- caah, public timi mizapi, mirunpi, zapi, zaran kha kan chim duh a si ahcun, “mizapi asilole zapi” tiah olzangte in chim ding a si ko. Kar- hlei lamh in “mipi” kan ti ahcun, kadang pi ah a sullam a pial cang! Cucaah, “Mipi” timi biafang kan hman tikah ralring tein kan hman khawh ahcun a ` ha bik hnga lo maw? A hleice Hi biafang hi bia ` halo, mi va entainak, bianek thlaihtu a si. Hman awk a si lo nain, chanthar minung hna nih nalkadak le hlawpt- lo ngai in an chim an hman tikah ka khuaruah a har tawn. Bia ` ha le biathlum-al an chim lio ahdah kaw, hi biafang hi an hman ` heo cu! Midang va entainak le serh-lei in chim, bi- anek thlaih a si i, biavha le bianuam chim lio ah an telh hrimhrim ahcun a ngaitu ca hrim ah ngaih a nuam lo ngaingai. A bik in lawmh- nak bia an chim lio ah an telh ` heo. Bia ` ha le hmurka ` ha in an chim duh, midang an con- glawmh duh lio a si ahcun, A hlei in, A hlei khun in, A hlei deuh in … timi biafang hna khi fawitahlat in hman khawh a si ko. Hihi bi- afang zong hi a diknak le a zawnte ah hman thiam ding tu a herh. Capar Atu chan minung hna, a bikin mino hna nih, Mirang nih, “article” an timi kha, “capar” tiah an ` ial/an leh lengmang, an chim leng- mang. A si ahcun, kan Laiholh ah, “capar” a sullam cu kan zoh tuah lai. Zuunhla pakhat ah, “thinhnemtu si venak ding ah capar sang bau ai an ti” ti a um. A sullam cu: “thinhnemtu le dawtu si venak ding ah catang sang a bau

ee” tinak a si. A si ahcun, duh-dawtu le thinh- nemtu sinak ding ah article (capar) cu maw a va bau hnga? timi kha ruat ko. A si hrimhrim a si kho lomi, sullam a ngei lomi bak a si. Cun, capar pakhat a sullam cu, “cakuat” a si. Laihla ah “Vairang capar in kan i chawn lai ee”… an ti tawn. Cakuat in kan i chawn lai ee…, Ca kan i kua lai ee…..tinak a si ko. Aa duh-dawmi ngaknu le tlangval an karlak ah cun maw, article (capar) cu an i kuat leng- mang lai? Hiti purh lo kan purh, khoih lo kan khoih ruangah kan Laiholh hi a pingpalo lei ah kan kalpi lengmang tawn. Cucaah Laiholh i “capar” a sullam cu: Catang (cataang) ti le Cakuat timi sullam pahnih a ngei. Kan Laiholh a kal ning in, Mirangholh “article” a sullam cu, Cabia asilole Cahram tu a si. CACC zong nih “article” a sullam cu, “Cabia” tiah a fehter ko cang. Asi Chanthar he chanhlun he kan Laimi ch- eukhat nih ca an ` ial tikah, hlan liote in rak hman lengmangmi “a si” timi kha style a tharhlam tein an hun thoh, an hun thlen i, “asi” ti rumro in an hmanmi hmuh lengmang a si. Cu “asi” tiah a hmangmi pawl kan zoh tik hna ah, holh lei ah thiamsang taktak pak- hat hmanh an um lo. Holh a kalning, holh a umtuning lei ah thiamsang taktak a simi le, miphun dang holh zong holh phun 10 lengkai a thiammi, holh cawnnak lei zong ah saya a ` uanmi Linguistics Professor Dr. George Be- dell nih, “a si” timi hi hmang lengmang ko u, “asi” ti hi hmang hlah u, “asi” tiah nan hman ahcun, cu he aa pehtlaimi biafang ah, “ansi, kansi, nansi” tibantuk in aa pehzul leng- mang lai i, nan holh nan hrawh lai, tiah a rak ti ko hna. Nain, holh lei thiamsang taktak pa nih, thil sining a dik in a chimmi cu, atu tiang an ngai duh lo, an “asi” horkuang chung ah an bualcam rih ko. “Asi” timi biafang a uarmi cheukhat nih an chuahmi mekazin zong, cu “asi” le “asi” he aa pehtlaimi biafang vialte cu an hun komh dih ciammam tikah, rel awk

Bongva Magazine

96

Chin Baptist Mission Church—DC

2017